كورسات الانجليزى الافضل في مصر ومراكزها
كورسات الانجليزى الافضل في مصر ومراكزها
بسم الله الرحمن الرحيم من البديهي طبعا وكما نعرف جميعا ان الشهاده الدراسيه حاليا ليست كافيه في سوق العمل ولابد لكي تكون مؤهل لأي وظيفه ان تكون مزودا بمهارات اخري بجانب شهادتك واهم هذه المهارات بلا شك هى اللغه الانجليزيه التي اصبحت اللغه الاكثر انتشارا واستخداما ف العالم كله ولأن الكثير من الطلاب والذين كنت انا منهم يواجهون حيرة كبيره جدا فى اختيار المكان المناسب لتعلم اللغه الانجليزيه فانا بذلت قصاري جهدي لكي اجمع لكم مجموعه من افضل الاماكن في مصر لتعلم اللغه الانجليزيه بناء علي تجربتي الشخصيه وبحثي في السوق ونظرا لان هناك الكثير من يضللون الناس بمعلومات خاطئه عن هذه المراكز فقد قمت باحضار كل مركز مرفق به الموقع الالكتروني الخاص به حتى اوفر عليك الكثير من الوقت في البحث عنه وتستطيع التواصل معهم مباشرة .
1. كورس المركز الثقافي البريطاني
يأتى في الترتيب الاول بلا شك حيث انه اكثر الكورسات اهميه على الاطلاق في تعلم اللغه الانجليزيه بشكل تام وكامل ويعتبر اعلاها تكلفه وينقسم الكورس الي قسمين هما General & conversation
ويمكنك ان تتواصل معهم عبر صفحتهم الرسميه ع الفيس بوك والتواصل مع الدارسين ايضا للتعرف ع الكورس بشكل افضل
2. كورس الجامعه الامريكيه
يأتى في الترتيب الثاني من حيث الكفاءة والشهره من وجهة نظري,
3. مركز بيرلتز للغات
وهو يعتبر من اكثر المراكز شهره في مصر ف اكتساب اللغه الانجليزيه كما انه يتميز بانه مؤسسه دوليه لها فروع كثيره ف مختلف بلدان العالم وبالتالي شهادته ليست قليله القيمه
4. الامديست Amideast
انا معرفوش صراحة بس فيه ناس بتشكر فيه جدا ويقال كمان انه هو بعد المعهد البريطاني في الاهميه والكفاءة وواخد شهره جامده بردو
5. انجلش كابسولز English Capsules
من وجهة نظري مركز كويس جدا لانه بيعتمد على ممارسة الانجليزى اكتر من التعليم الاكاديمى وبيخليك تتعود على الانجليزى ف فترة قليله جدا.
6.نوت كورسز Not Courses
ناس كتير بتشكر فيها انا روحت وشوفت نظامهم بجد حاجه جميله وممتازة وهى ميزتها انها بتعتمد على المحادثه والممارسه العمليه للانجليزى وده طبعا جميل في حد ذاته لانك مع الوقت بتتعود على اللغه ومش بتمل منها
7. معهد اللغات للقوات المسلحه
عشان اكون صريح معاك انا مجربتوش بس فيه ناس كتير بتشكر فيه وناس تانيه بتقول مش حلو, بس ده طبيعي طبعا الاذواق بتختلف بس طالما ناس بتقول انه مش حلو فمن الافضل انك تشوف غيره و سعره متوسط وفي متناول الايد بردو
دي كانت اهم مراكز الانجليزي الاكثر افاده وانتشارا في مصر اللى قدرت اجمعها ليكو وللي حابب يعرف اكتر عن بعض المراكز الاخري يمكنك زيارة الصفحه هذه من هنا
طيب ازاى اعرف ان المركز اللى هقدم فيه كويس وهيفيدنى اوى في الانجليزى؟؟؟
بص فيه شوية حاجات كده لو ف المركز اللى هتقدم فيه يبقي ادخله وانت مطمن....ايه هى بقي
1- عدد الجروب بتاعك يكون ما بين ال 12 وال 15 فرد ميزدش عن كده عشان كل ما العدد كان قليل كل ما هتمارسوا اللغه اكتر لكن نظام ان الجروب 20 فرد والهبل ده اعرف انهم عاوزين ياخدو منك فلوس وخلاص.
2- اى لغه اهم حاجه فيها الممارسه انك تتكلم بيها مع ناس كتير يعنى لازم يكون عندك في المركز مخصصين وقت كبير للممارسه يخلوكو تتكلموا مع بعض داخل السيشن انجليزى لكن جو انهم يشرحولكوالدرس ويدوكو كام كلمه وف الاخر يخلوكو تتكلمو ربع ساعه بس ده شغل هبل وسيبك منهم.
طب في سؤال هيخطر على بال ناس كتير هو ايه الفرق بين المركز الثقافي البريطانى وبين المراكز الاخري اللي بتعلم انجليزى وليه المركز البريطانى غالي اوى كده والمراكز الاخري مش غاليه زيه ؟!
بص يا سيدى المركز البريطانى تعليمه اكاديمى بحت واكثر شمولا للغه من المركاز الاخري لكن المراكز الاخريأقل شمولا للغه, هى بتعلمك ازاى تتكلم انجليزى صح وتنطق الكلمات صح وازاى تتكلم مع الاجانب زيك زيه بالظبط وطبعا بتديك كلمات كتييييير اوى بردو بس مش كل كلمات اللغه بتعتمد عليك بردو تزود حصيلة كلماتك بنفسك
طب هو انا محتاج ان انا ادرس كل كلمااااات اللغه كلمه كلمه؟؟!
لا انت مش محتاج تدرس كل كلمات اللغه خاااالص انت محتاج تعرف ازاى تتكلم انجلش وتتعامل بيه فى مواقفك اليوميه وطبعا يكون معاك كلمات كتييييير اوى بردو على قدر ما تستطيع لان كل ما كان معاك كلمات اكتر كل ما هتقدر تتكلم انجليزى احسن واسرع.
لا تنسونا من صالح الدعاء
بالتوفيق للجميع
ليست هناك تعليقات