كورس المعهد المصرفي

كورس المعهد المصرفي 

Training for Employment

اذا كنت ترغب بالعمل في البنوك فلابد من مذاكرة هذا الكورس جيدا ولمن لا يعرف كورس المعهد المصرفي, اقرأ بحرص هذه الأسطر:

المعهد المصرفي هو مؤسسه تابعه للبنك المركزي المصري, انشأها البنك المركزي لتطوير القطاع المصرفي(أي قطاع البنوك) من خلال تدريب العاملين به علي مستحدثات القطاع , وتأهيل من يرغبون في الالتحاق بالبنوك من خلال دورات متخصصه تجعلهم مؤهلين للعمل في البنوك, وحرصا من المعهد المصرفي لنشر الوعي المالي لدي اكبر عدد من الطلبه والخريجين فيقوم بتقديم هذا الكورس بسعر منخفض في بعض الجامعات خلال اجازة الصيف حتي يستطيع من لا يقدر علي تكلفته أن يستفيد.ولكن بيشترط المعهد المصرفي بعض الشروط فيمن سيستفيد بهذا الكورس منها ان لا يقل تقديره التراكمي عن جيد وان يجتاز اختبارات القبول وهي عباره عن امتحان (انجلش و اي كيو IQ ) ونظرا لأهمية هذا الكورس قمت برفعه علي مدونتي لعلي مصدر نفع لك.

سؤال قد يطرحه البعض:

س/هل الكورس ده مهم جدا للبنوك ولا هيكون مجرد شهاده اضافيه هضيفها للCV  بتاعي زي شهادات تانيه كتير ؟

سؤالك ممتاز وأحييك عليه لو بتفكر بالاسلوب ده. بص يا سيدي الكورس للأسف مهم جدا للبنوك وفيه بعض البنوك بتشترط علي المتقدمين انهم يكونوا واخدينه ولو مش مشترط عليهم ده فهو بيعطي الأولويه للمتقدمين اللي واخدين الكورس او مذاكرينه، وعشان الصوره توضح اكتر تعالي نشوف حكايته من الاول

زمان كانت البنوك لما بتطلب حديثي التخرج تتفاجئ انهم ميعرفوش حاجه عن البنك ميعرفش ايه هي منتجات البنك وايه خدماته ولما هيدخل البنك هيشتغل ايه وفين وهكذا. فده كان بيمثل عقبه للبنوك. لانه لما بيستلم الشغل كان بيضطر يدربه فتره 6 شهور عشان يقدر يفهم الشغل وطبعا الفتره دي بتكون تكلفتها علي البنوك عاليه جدا في المال والوقت والمجهود المبذول في التدريب. فالبنك المركزي قالهم انا هحل المشكله دي عن طريق اني هعمل دورات تدريبيه هعرف فيها الخريجين كل حاجه عن البنك وبكده انتو تستلمو خريجين فاهمين ويكون استيعابهم اسرع لما يتعينوا. فبدل ما يتعلمو مثلا في 6 شهور هيتعلمو في شهر واحد وبالتالي تكلفة التدريب انخفضت اضعاف مضاعفه للبنوك. 

عرفت بقي انت هتستفيد ايه من الكورس والبنك هيستفيد ايه هو كمان !؟

س/ نبذه مختصره عن الكورس قبل ما تذاكره عشان تكون فاهم انت بتذاكر ايه ؟

الكورس بيعرفك كل حاجه بتحصل جوه البنك، ايه هي منتجاته، ايه هي خدماته، اقسامه ووظائفه ، ايه انواع البنوك وهكذا. بالاضافه لوجود بعض المواضيع الخاصه بتطير مهارات Soft Skills لديك مثلا قواعد الاتيكيت في مكان العمل وازاي تكتب CV  احترافي. متقلقش من المقدمه دي لانك طبعا مش بتتعلم الحاجات دي بشكل متعمق اوي ولكن بشكل كافي انك تدخل اي انترفيو للبنوك وتنجح فيه ان شاء الله. انا عن نفسي خلصت الكورس في 18 يوم . مش مده كبيره يعني انت ممكن تخلصه زيي او اسرع مني. هيا انهض وابدأ بالمذاكره وتذكر ان المجتهد لا يضره وجود واسطه من عدمه وانا بنفسي اعرف اشخاص كثير اشتغلو في بنوك بدون اي واسطه ولا محسوبيه بل اعرف اشخاص اتقبلو في اكتر من بنك وكانو هم اللي بيختارو بين البنوك .. ما دمت مجتهد لا تنظر ولا تسمع للمحبطين وتذكر ( ان الله لا يضيع أجر من احسن عملا )

محتـــــــويات الكورس:

الكورس مكون من 16 موضوع كالتالي

1. نشأة وتطوير القطاع المصرفي: حمله من هنا
2. الحسابات والودئع البنكيه: حمله من هنا
3. عمليات التجزئه المصرفيه: من هنا 
4. مهارات التواصل: حمله من هنا
5. مبادئ العمل الجماعي حمله من هنا 
6. مبادئ تمويل المشروعات الصغيره والمتوسطه حمله من هنا
7. عمليات تمويل التجاره الخارجيه حمله من هنا
8. التحليل المالي والائتمان حمله من هنا
9. عمليات سوق المال حمله من هنا
10. عمل CV احترافي ومقابلة انترفيو حمله من هنا
11. Treasury Operation and Structure حمله من هنا
12.  Etiquette at Workplace, Behavior and Attitude حمله من هنا
13. فن البيع حمله من هنا
14. HR for Non-HR حمله من هنا 
15. خدمة العملاء حمله من هنا
16. اساسيات التسويق حمله من هنا
17.  التجديد والابتكار حمله من هنا

بكده انت معاك جميع مواد كورس المعهد المصرفي للبنوك وقريبا جدا باذن الله سيكون هناك مفاجئه ...فتابعونا خلال الايام القليله القادمه.